நிஜமாகப்போகும் கற்பனை (யாராக இருக்கும்?)

உலகத்தின் இறுதி நொடி,அனைவரும் இறந்து விட இறுதியில் ஒருவன் மட்டும் இருட்டறையில் ஒரு மெழுகுவத்தியுடன் அமர்ந்திருக்க அவ் அறையின் கதவு தட்டப்படுகின்றது.........

அன்னையும் பிதாவும் முன்னறி தெய்வம் பகுதி 1

"அன்னையும் பிதாவும் முன்னறி தெய்வம்" இது ஆன்றோர் வாக்கு. இந்த தாயும் தந்தையும் நாம் காண்கின்ற முதல்வர்கள்.

நாம் குடியிருந்த கோயில் எம் தாய் தந்தையர். அவர்களையே பிறந்தவுடன் காண்கிறோம். மற்றவர்கள் எல்லாம் பிறகு வந்தவர்கள். அப்படி முதன் முதலில் காண்கின்ற எம் மாதா பிதாக்களை தெய்வமாக மதித்து வணங்குதல் பல்லாண்டு காலம் இம்மண்ணில் நிலவி வரும் பண்பாடாகும்.

"தாயிற் சிறந்த கோயிலுமில்லை, தந்தை சொல் மிக்க மந்திரமில்லை." இதுவும் முதுமொழி. தாயும் தந்தையும் எம் இரு கண்கள் போன்றவர்கள். கண்கள் இல்லாவிட்டால் ஒருவனது வாழ்வில் எத்தனை துன்பங்கள் ஏற்படுகின்றன. மனிதராகப் பிறந்த நாம் அனைவரும் தாய் இல்லாமல் இந்த மண்ணில் பிறந்திருக்க முடியாது. தாயே எமக்கு மூலாதாரம். தந்தையே ஜீவாதாரம். அப்படிப்பட்ட இந்தத் தாயின் அன்பு இருக்கிறதே, அது உலகின் எந்த அன்புக்கும் ஈடாகாது. அதனால்தான் தாயை முன்னுக்கு வைத்து மாதா,பிதா, குரு,தெய்வம் என்று போற்றுகின்றார்கள்.

பண்டைக் காலத்திலிருந்தே எம் கலாச்சாரத்தில் இன்றும் சில நம் பெற்றோர்கள் எம்மைப் பெறுவதற்காக அநேக தான தருமங்கள் செய்து தமது உடல் இளைத்துப் போகும்படி விரதமிருந்தும் பலனளிக்காது போகும் பட்சத்தில் தம் பாதங்கள் கல்லிலும் முள்ளிலும் அடிபட யாத்திரை மேற்கொண்டு கோயில்கள்,தீர்த்தங்கள் பலவற்றையும் தரிசித்து வருகின்றார்கள். இப்படியெல்லாம் அந்த இலட்சியத் தாய் தந்தையர் சிரமப்பட்டு தவம் இருந்து கர்ப்பம் உண்டான பின் தாய் மிகக்கவனத்தோடு எம்மைத் தன் மணி வயிற்றில் பத்து மாதங்கள் சுமந்து படாத பாடு படுகிறாள். குழந்தைக்காகத் தன் உயிரையும் துச்சமென மதிக்கிறாள் எம் அன்னை....."

என் அம்மா

அம்மா எனது அன்பு
அம்மா எனது ஆசை
அம்மா எனது ஈகை
அம்மா எனது உண்மை
அம்மா எனது ஊட்டம்
அம்மாதான் எனது உலகமே.

ஆதாரம்

அன்புக்கு ஆதாரம் அம்மா
ஆன்மாக்கு ஆதாரம் அப்பா
அறிவுக்கு ஆதாரம் ஆசிரியர்
ஆகமத்துக்கு ஆதாரம் ஆண்டவர்

இசைக்கு ஆதாரம் ஸ்வரங்கள்
ஈகைக்கு ஆதாரம் மரங்கள்
இரவுக்கு ஆதாரம் சந்திரன்
ஈரத்திற்கு ஆதாரம் வருணன்

உயர்வுக்கு ஆதாரம் உண்மை
ஊருக்கு ஆதாரம் உயிர்கள்
உறவுக்கு ஆதாரம் கருணை
ஊட்டத்திற்கு ஆதாரம் உணவு

எண்ணுக்கு ஆதாரம் கணிதம்
ஏணிக்கு ஆதாரம் படிகள்
எழுத்துக்கு ஆதாரம் தமிழ்
ஏற்றத்திற்கு ஆதாரம் முயற்சி

ஐயமின்றி கல்வி படி
ஐயமின்றி நல்வழி நடந்திடு

ஒற்றுமைக்கு ஆதாரம் நற்சிந்தனை
ஓம் என்பதற்கு ஆதாரம் பிரணவம்
ஓளடதத்திற்கு ஆதாரம் மூலிகைகள்

வணக்கம்

வாருங்கள் சிறுவர் சிறுமிகளே

இது உங்களுக்காக எப்போதுமே பூத்திருக்கும் பூங்கா